La Cosmografía

Pedro Apiano conseguiu o recoñecemento dos seus coetáneos tras a publicación da súa Cosmografía, impresa por primeira vez en 1524. Dende entón, e ata 1609, esta obra sería obxecto de corenta e sete edicións en distintas linguas (latín, holandés, francés e español), converténdose nun dos libros máis publicados durante o primeiro século da imprenta. Trátase dunha obra, baseada na concepción astronómica de Ptolomeo, que contén nocións de astronomía, xeografía, topografía, navegación, meteoroloxía, cartografía e instrumentos matemáticos. Este foi o primeiro traballo en suxerir o uso das distancias lunares para medir a lonxitude, e foi a base usada por todos os matemáticos e xeógrafos nos siguentes 100 anos. En 1533 foi publicada esta edición completada polo seu alumno Gemma Frisius (1508-1555), que lle engadiu algún dos seus traballos sobre a construción e uso de instrumentos astronómicos deseñados por el, emprega a trigonometría para o posicionamento de barcos no mar e par medir distancias entre lugares, usando para iso a triangulación.

O impresor do exemplar conservado no Museo Massó, Gregorio de Bonte, realizou na súa imprenta de Amberes numerosas edicións da Cosmografía (as de 1533, 1534, 1545, 1550 e 1553 en latín, as de 1537, 1545 e 1553 en holandés, a de 1544 en francés e a de 1548 en español).

O Autor: Petrus Apianus (1495 -1552); é coñecido tamén como Pedro Apiano, humanista famoso polos seus importantes traballos en matemática, astronomía e cartografía. Foi astrónomo do emperador Carlos I de España. Entre as súas obras destaca: Cosmographia (1524), Astronomicum Caesareum (1540, dedicada a Carlos I) e Instrument Buch (1533), denominado libro de instrumentos dedicado á descrición de intrumentos para observar en astronomía.

Ficha do museo:

Apianus, Petrus

Cosmographicus liber Petri Apiani mathematici iam denuo integritati restitutus / per Gemmam Phrysium ; item eiusdem Gemmae Phrysij Libellus de locorum de scribendorum ratione de eorum distantijs inueniendis, nunque ante hac visus. - Vaeneunt Antuerpie : sub scuto Basiliensi per Gregoriun Botiun, 1533 (Ioan Grapheus typis cudebat Antuerpiae). - LXVI f. : il. ; 4º Contén : Libellus de locorum describendorum ratione de eorum distantiis inueniendis nunquam ante hac visus / per Gemman Phrysium F. LVII-LXVI