Dente de cachalote coa escena da Lenda de San Brandán, pirogravado por Antonio Massó García (1970)
Ilustración gravada cunha escena da caza da balea (séculos XVIII-XIX)
Arpóns baleeiros procedentes dunha compañía baleeira canadense (cara a 1860)
El navío nodriza y sus lanchas balleneras. Ilustración do Diccionario Histórico de los Artes de la Pesca Nacional, de Antonio Sáñez Reguart (1795)
Scrimshaw sobre un caparazón de tartaruga co gravado do buque baleeiro Eliza F. Mason (cara a 1855)
Lanzadeira de arpón baleeiro (cara a 1850)
Mandíbula de balea franca (século XVII)
Xogo de dominó realizado en óso de balea (cara a 1800)
Receita da Farmacopea Oficial Española elaborada coa grasa de cachalote coñecida como espermaceti (1905)
Canón arpoeiro con explosivos procedente da frota baleeira Massó e IBSA (cara a 1950)
O arpoeiro Alejo Varela Neira apuntando á balea no buque baleeiro Lobeiro (1965)
A tripulación do buque baleeiro Lobeiro, fotografía de Miguel López (1956)
Salvavidas do buque baleeiro Lobeiro (1920-1930)
Maqueta do buque do baleeiro Caneliñas realizada por José Francisco Rodríguez Fernández (2011)
A factoría baleeira de Massó Hermanos S.A. de Cangas (cara a 1955)
Coitelas xaponesas para o despezado da balea da factoría baleeira Massó de Cangas (cara a 1970)
Empregados da factoría baleeira Massó de Punta Balea traballando coas coitelas na plataforma de despezado (cara a 1960)
Botas con cravos para traballar na plataforma de despezado da factoría baleeira Massó de Cangas (1955)
Empregadas na factoría baleeira Massó de Cangas. Fotografía de Félix Lorrio (1978)
Bata das empregadas da factoría baleeira Massó de Cangas (cara a 1980)
Galicia foi o último reduto da industria baleeira na Península lbérica. O percorrido nesta sala lévanos dende a época histórica da caza con arpón de man ata as factorías do século XX, coa empresa Massó Hermanos S.A. como unha das protagonistas.
O tema principal céntrase nesta última etapa, exclusivamente galega, que se pecha coa prohibición e peche en 1985 e se caracteriza polas melloras tecnolóxicas, as novas formas de explotación e a influencia do movemento ecoloxista.
Ao contrario que noutras potencias baleeiras como Noruega, as Azores, Gran Bretaña e Estados Unidos, o noso patrimonio baleeiro está a piques de desaparecer. Dar a coñecer as testemuñas que conserva o Museo Massó e pór en valor as ruínas da factoría baleeira de Punta Balea en Cangas do Morrazo (Pontevedra), constitúen a última oportunidade que temos para salvalo do esquecemento.